රටට නව ව්‍යවස්ථාවක් සම්පාදනය කරන අවස්ථාවක හෝ ව්‍යවස්ථා සංශෝධනයක් සිදු කරන අවස්ථාවක ඉදිරිපත් කිරීම සඳහා යෝජනා මාලාවක් සකස් කළ යුතු බවට සාමග්ගි මහා සඟ සමුළුව නියෝජනය කළ ගරුතර මහා සංඝරත්නය සිදු කළ යෝජනාවක් අනුව ජාතික ප්‍රතිපත්ති සම්පාදක මණ්ඩලයක්  බෞද්ධ මහා සම්මේලනය විසින් ස්ථාපිත  කෙරිණ.

එම මණ්ඩලය  විසින් ගිහි පැවිදි විද්වතුන්ගෙන් සමන්විත පහත සඳහන් අනු කමිටු 09  පත් කරන ලදී.

1. බුද්ධ ශාසනය (පර්යාපත්ති, ප්‍රතිපත්ති  සහ ප්‍රතිවේද) සහ ආගමික සහජීවනය.
2. නීතිය, රාජ්‍ය පාලනය, ජාතික ආරක්ෂාව සහ විදේශ ප්‍රතිපත්ති.
3. අධ්‍යාපනය, සදාචාරය හා පුරවැසියා .
4. ආර්ථිකය, ස්වාභාවික සම්පත් සහ සමජීවිකාව.
5. සංස්කෘතිය (භාෂාව, සාහිත්‍ය, කලාව , අදහස්, සාරධර්ම, ධර්මතා ) හා ජාතික අනන්‍යතාවය.
6. පුරාවිද්‍යාව, ඉතිහාසය හා ජනශ්‍රැතිය.
7. සෞඛ්‍ය, ආහාර හා පෝෂණය සහ හෙළ වෙදකම.
8. කෘෂිකර්මය, වාරි කර්මාන්තය සහ පරිසරය.
9. තාක්ෂණය, විද්‍යාත්මක ක්‍රමය, සන්නිවේදනය හා නව මාධ්‍ය.

මහා සංඝරත්නයේ  අනුශාසනා ඇතිව ගිහි විද්වතුන්ගේද සහයෙන් රට ජාතියට හිතකර ප්‍රතිපත්ති සම්පාදනය කර ගැනීමට අවැසි වැඩ පිළිවෙලක්  සකස් කර ගන්නා ලදී. එම වැඩ පිළිවෙලෙහි  එක් අනු කමිටුවක් ලෙස නීතිය, රාජ්‍ය පාලනය, ජාතික ආරක්ෂාව හා විදේශ ප්‍රතිපත්තිය අනු කමිටුව වන , පූජ්‍ය සිරි වජිරාරාමයේ ඤාණසීහ ස්වාමින් වහන්සේගේ  සභාපතිත්වයෙන්,ජනාධිපති නීතීඥ මනෝහර ද සිල්වා මහතා, ජනාධිපති නීතිඥ පාලිත ප්‍රනාන්දු මහතා, ජනාධිපති නීතිඥ ප්‍රසාන්ත ලාල් ද අල්විස් මහතා, ජනාධිපති නීතිඥ කපිල වෛද්‍යරත්න මහතා, ආචාර්ය පාලිත කොහොන මහතා, මහාචාර්ය ලලිතසිරි ගුණරුවන් මහතා, රන්ජිත් තෙන්නකෝන් මහතා, ආචාර්ය නිමල් හෙට්ටිආරච්චි මහතා, චන්ද්‍ර නිමල් වාකිෂ්ඨ මහතාත්, සහය සම්බන්ධීකාරක ඉෂාන් බුද්ධික එදිරිසූරිය මහතා සහ  බුද්ධශාසන කාර්යසාධක මණ්ඩලයේ  සභාපති පූජ්‍ය දිවියාගහ යසස්සි නායක ස්වාමින්ද්‍රයන් වහන්සේ ප්‍රධාන සෙසු නාහිමිවරුන්ගෙන් ඇතුළු ගිහි විද්වතුන්ගේ ද පූර්ණ දායකත්වයෙන්  ශ්‍රී ලංකාවට නව ආණ්ඩුක්‍රම ව්‍යවස්ථාවක් සඳහා අදාල විකල්ප යෝජනාවලියක් සකස් කිරීම හා එය මහජනතාවට ඉදිරිපත් කිරීම බුද්ධ ශාසන කාර්ය සාධක මණ්ඩලයේ ද සහභාගිත්වයෙන් 2020.09.05 දින සිදු කරනු ලැබීය.